Passer, deliciae meae puellae,
quicum ludere, quem in sinu tenere,
cui primum digitum dare appetenti
et acris solet incitare morsus,
cum desiderio meo nitenti 5
carum nescioquid lubet iocari,
ut solaciolum sui doloris,
credo, ut tum gravis acquiescat ardor;
tecum ludere sicut ipsa possem
et tristis animi levare curas! 10
Page Information
|
Wiki Information |
Recent PBwiki Blog Posts |
Create your own educational wiki!